07 January 2010
അക്ഷര തൂലിക പുരസ്കാരം ഷാജി ഹനീഫിനും രാമചന്ദ്രന്‍ മൊറാഴയ്ക്കും ഷാര്‍ജ. പാം സാഹിത്യ സഹകരണ സംഘം ഏര്‍പ്പെടുത്തിയ ഗള്‍ഫിലെ ഏറ്റവും മികച്ച ചെറു കഥയ്ക്കും കവിതയ്ക്കുമുള്ള അക്ഷര തൂലിക പുരസ്കാരം പ്രഖ്യാപിച്ചു. ഏറ്റവും മികച്ച ചെറു കഥയ്ക്കുള്ള പുരസ്കാരം ‘ആഹിര്‍ഭൈരവ്‌’ എന്ന കഥ രചിച്ച ഷാജി ഹനീഫിനും കവിതയ്ക്ക്‌ ‘കൂക്കിരിയ’ എന്ന കവിത രചിച്ച രാമചന്ദ്രന്‍ മൊറാഴയ്ക്കും ലഭിച്ചു.ആനുകാലിങ്ങളില്‍ കഥകളും കവിതകളും എഴുതാറുള്ള ഷാജി ഹനീഫ്‌ മലപ്പുറം ജില്ലയിലെ പൊന്നാനി സ്വദേശിയാണ്‌. കണ്ണൂര്‍ ജില്ലയിലെ മൊറാഴ സ്വദേശിയാണ്‌ രാമചന്ദ്രന്‍ മൊറാഴ. ജനുവരി 15 ന്‌ ദുബായ് ഖിസൈസിലെ റോയല്‍ പാലസ്‌ ഹോട്ടലില്‍ വെച്ച്‌ നടക്കുന്ന സര്‍ഗ്ഗ സംഗമത്തില്‍ വെച്ച്‌ പുരസ്കാരങ്ങള്‍ നല്‍കുന്ന താണെന്ന്‌ ഭാരവാഹികളായ വെള്ളിയോടന്‍, സലീം അയ്യനത്ത്‌ എന്നിവര്‍ അറിയിച്ചു. ജ്യോതി കുമാര്‍, നാസര്‍ ബേപ്പൂര്‍, ഷാജഹാന്‍ മാടമ്പാട്ട്‌, രവി പുന്നക്കല്‍, സത്യന്‍ മാടാക്കര, സുറാബ്‌, റാംമോഹന്‍ പാലിയത്ത്‌, അരവിന്ദന്‍ പണിക്കശ്ശേരി, ഷീലാ പോള്‍ എന്നിവരടങ്ങിയ ജഡ്ജിംഗ്‌ കമ്മറ്റിയാണ്‌ പുരസ്കാര ജേതാക്കളെ തിരഞ്ഞെടുത്തത്‌. Labels: awards |
ഈ പേജ് പങ്ക് വെയ്ക്കാം 
ആര്‍ക്കൈവ്സ് |
0 Comments:
Post a Comment
Subscribe to Post Comments [Atom]
« ആദ്യ പേജിലേക്ക്